Engin hætta

Gott er að heyra að engin hætta stafar af miltisbrandinum sem fannst í garðabæ.  Viðbröðg heilbrigðisyfirvalda, slökkviliðs og lögreglu voru í samræmi við það sem skilgreint er í samræmi við yfirdýralækni. Mér persónulega hefur alltaf verið illa við miltisbrand og finnst að það ætti að banna hann.

Ekki var talið að hætta stafaði af hræinu

Allir Krakkar

Allir Krakkar, Allir Krakkar

hnuuuuupla

Má ég ekki mamma

ekki mig skamma

allir krakkar allir krakkar

hnuuuuupla 

„Allir krakkar hnupla"

Upptaka evru

Ef ég sæi evru liggja í götunni þá myndi ég taka hann upp. Samt óþarfi að henda krónunni.

Meirihluti andvígur upptöku evru

Vetrarstarfið að hefjast

Já vetrarstarfið fer að hefjast, hver veit nema það þýði aftur meira blogg.

Enginn með allar réttar

Hvað er þetta enginn með allar tölur réttar. Þetta er skelfilegt að potturinn gangi ekki út. Fult af fólki búið að leggja undir pening og fær svo ekkert fyrir sinn snúð. Þið sem spilið munið samt að það eru jafnmiklar líkur að 1 2 3 4 5 komi upp eins og hvaða önnur röð sem er hvort sem það eru afmælisdagar barna eða gæludýra. Svo nú er bara að skella sér á einn lottó.

Enginn með lottótölur réttar

Ljótur leikur

Já þetta er alveg skelfilegur leikur sem krakkarnir eru að leika. Þeir gera sér ekki grein fyrir afleiðingunum og halda að sé í lagi að fá sér eitt sniff. Ég man eftir ónefndum sniffara í mínum heimabæ og hann var alltaf frekar slappur.

Reynt að stemma stigu við sniffi unglinga í Árborg

Til hamingju

Óska reyðfirðingum til hamingju með pósthúsið. Maður veit sjálfur hvað það er mikilvægt að hafa aðgang að pósthúsi til að geta sent póst. Maður ætlar kannski að senda ömmu bréf og ef það er ekki pósthús þá getur maður ekki sent það.

Nýtt pósthús opnað á Reyðarfirði

Nú vikan er liðin

Vikan liðin og ágætt að nefna það sem stóð upp úr. Fyrst er að segja frá norðurferðinni um síðustu helgi. Við tókum upp 12 frumsamin lög með miklu betri tækni en síðast og menn líka vönduðu sig betur. Hljómsveitin er þannig skipuð eins og fyrr að ég spila á hljómborð, Sverrir Þorleifsson á trommur, Bergur Kárason á bassa og Guðmundur Pálmason á gítar. Upptökustjóri er Gunnlaugur Helgason. Breytingin frá fyrri upptökum er líka sú að nú sjáum við allir um söng og er það breyting til batnaðar tel ég. Reiknað er nú með að platan komi út í júní. 

Á sumardaginn fyrsta létum við Soffía svo skíra son okkar. Nafnið sem hann fékk er Matthías Marinó. Matthías finnst okkur mjög góðlátlegt nafn enda þekkjum við bara góða Matthíasa. Marinó er í höfuðið á afa hans sem dó í nóvember s.l. Athöfnin fór fram í lágafellskirkju og gekk mjög vel og á eftir var boðið í veislu heima þar sem ég spilaði á píanó undir kökuáti. Skemmtilegt. 

Norðurferð

Stefni á enn eina norðurferðina eftir vinnu í dag. Tilefni eru upptökur á tónlist. Eftir að við fengum styrkinn til að gera plötuna ætlum við að taka upp öll lögin aftur og vanda okkur betur. Legg af stað um 5 leytið og verð kominn milli 9 og 10 í kvöld. Þá verður strax farið í að taka upp og svo haldið áfram allahelgina.

Gróðurhúsaáhrif

Gleðilega páska. Pistill dagsins fjallar um gróðurhúsaáhrifin. Var að horfa á mynd sem heitir The Great Global Warming Swindle. Mæli með að allir horfi á hana sem hafa áhuga á málefninu. Hana má sjá hér. Í myndinni er talað við fjölda vísindamanna sem eru ekki sammála því að maðurinn sé valdur að hlýnun jarðar. Þeir fjalla um að trúin á gróðurhúsahárif af mannavöldum séu orðin trúarbrögð vinstri aktivista og einn vísindamaður nefnir það að afneita þessari kenningu sé eins og að afneita helförinni. Pólitíkusar hoppa á vagninn og skyndilega er þetta ekki lengur kenning heldur heilagur sannleikur. Í myndinni er vitnað í mynd Al Gore The inconvienent Truth þar sem hann sýnir að það er samhengi milli CO2 og hitastigs á jörðínni. Því er ekki neitað að það er samhengi en það sem kemur í ljós þegar samhengið er skoðað betur að CO2 eykst í andrúmsloftinu eftir að hitastig hækkar, orsakasamhengið er sem sagt öfugt, aukinn hiti eykur CO2 í andrúmsloftinu. Það gerist þannig að við aukin hita losar hafið CO2. Hafið er sem sagt stærsti CO2 gjafinn. Auk þess valda eldgos líka meiri CO2 mengun en maðurinn. En hvað er þá að valda hækkandi hitastigi. Í myndinni kemur fram kenning um að virkni sólar hafi áhrif á hitastig jarðar auk geimgeisla sem hafa áhrif á skýjafar, en skýjafar hefur mikið að segja um hitastig jarðar, vatnsgufa er stærsta gróðurhúsagastegundinn. En af hverju eru svona margir vísindamenn sem segja að maðurinn sé valdur að hlýnun jarðar. Jú það er miklu auðveldara að fá styrki til að rannsaka málið ef þú stekkur á vagninn. Málið er hins vegar að við erum hér með tvær kenningar og það er einfaldlega rangt að segja að önnur sé sönnuð og það þurfi ekkert að ræða þetta frekar eins og manni finnst sumir segja sérstaklega pólitíkusar. Þó að Al Gore eða Ólafur Ragnar segi að þetta sé óumdeilt að maðurinn sé valdur að hlýnun jarðar þá er það enginn sönnun. Margir vísindamenn eru á öðru máli.  Einnig kemur fram í myndinni að sumir segi að þó þetta sé ekki sannað þá eigi náttúran að njóta vafans. En myndin segir, hvað með fólk í þriðja heiminum sem þarf að byggja upp sinn iðnað fá rafmagn og hreint vatn á það ekki alveg eins að njóta vafans. Mæli eindregið með þessari mynd, um að gera að fá fleiri sjónarmið. Myndina má sjá á Google Video. Hún er klukkutími og korter. Klikka hér til að sjá hana.