Tók lestina

Flott hjá Al Gore að taka lestina inn til Osló. Enda afar þægilegt. Þannig sýnir hann líka gott fordæmi. Ég hef sjálfur tekið þessa lest þegar ég fór til Noregs fyrir þremur árum en það kom að vísu ekki í fréttunum. Sá líka í morgun að Ísland er í þriðja sæti minnst mengandi þjóðir samkvæmt einhverri vísitölu umhverfissamtaka. Það eru góðar fréttir. Ættum við ekki að bjóða Al Gore til Íslands af því tilefni. Já og hann fann upp internetið og netnotkun er hvergi meiri en einmitt hér þannig að hann er bara velkominn og gæti orðið góð landkynning fyrir okkur.

Gore tók lestina til Ósló

Eggert kurteisisfrömuður

Vil benda á að kominn er fram á sjónarsviðið ný persóna. Eggert kurteisisfrömuður. Áður þekktur bloggari hefur tekið sér þetta nafn. Þeir sem vita af hverju og hver þetta er og hvað hann hét áður fá verðlaun.

Snilld

Enn er Sóley Tómasdóttir söm við sig. Það má ekkert lengur. En ef hún vill jafnrétti hvað er hún þá að kvarta. Varla er konum bannað að horfa á enska boltan þarna. Jafnrétti þýðir að þær verða að fara bara að horfa á enska boltan líka og geta vel sent kallana sína til að versla. Bara ekkert að þessu.

Pabbar í pössun í Hagkaupum

Hey virkar

Þetta moggablogg er ekkert að virka að fullu. Var að skrifa grein og það koma skilaboð um að hún sé birt en hún birtist ekkert. Hvað er í gangi. Annars er maður búinn að blogga mikið í dag. Ætla að reyna að vera með fleiri færslur í dag en stebbifr.

Til hamingju Ísland

Óska Íslendingum til hamingju með þessa útkomu. Það er gott að búa á Íslandi. Auðvitað eiga Íslendingar að koma að þróunaraðstoð og vissulega má gera betur í þeim málaflokki. Það þarf þó hver og einn að gera upp við sig hvað hann getur lagt af mörkum og betra er að það sé í gegnum einstaklingsframtakið frekar en að ríkið taki pening af fólki til að gefa öðrum. Einnig varðandi þessar loftlagsbreytingar, þá verður hver og einn að hugsa hvað hann getur gert frekar en að bíða eftir því að stjórnmálamenn segi þeim hvað á að gera. Vissulega má skattleggja mengun því þetta loftið eru sameiginleg gæði og þeir sem ganga á þau eiga að borga.

Forréttindi að búa á Íslandi

Löglegt?

Torrent síðunni hefur verið lokað, en aðrar spretta upp. Það virðist því vera jafn erfitt að stöðva þetta og tímans hjól. Það leiðir hugann að því hvort torrent tæknin sé ólögleg. Það má vera að ólöglegt sé að hala niður höfundarvörðu efni. Það er þá spurning hver er hinn seki, sá sem býður efnið að sá sem halar niður. En að bjóða upp á torrent síðu með þessari tækni getur ekki verið ólöglegt. Það er vel hægt að senda á milli löglegt efni.  Ég hefði t.d. gjarnan viljað bjóða mína tónlist þarna en get það ekki því síðunni hefur verið lokað. Á ég ekki einhvern rétt líka til að dreifa minni tónlist með þessari tækni. Eigendur Torrent síðunnar bjóða ekki upp á efnið sjálfir heldur tengja þeir einstaklinga saman þannig að þeir geti sent efni á milli ef ég skil þetta rétt. Þetta er bara eins og það ætti að loka öllum vegum á íslandi af því einhver er að aka um með þýfi eða annað misjafnt á milli staða á bílnum sínum.

Hart barist um höfundarréttinn á torrent-síðum

Til hamingju Hraun

Hraun er komið í 20 hljómsveita úrslit í keppni hjá BBC. Til hamingju með það. Þetta er skemmtileg frétt. Ég get aðeins tengt mig við þessa hljómsveit því ég er að vinna með bróður Svavars, Söngvara og aðallagasmið sveitarinnar. Hann þ.e. bróðirinn er búinn að lofa að gefa mér eintak af plötunni og læt ég hann standa við það. Þess má geta að þetta var plata vikunnar á rás 2 sl. sumar. Heyrði þá aðeins í þeim en hlakka til að hlusta á alla plötuna.

Hraun í úrslit í tónlistarkeppni BBC

Bjóðum honum þá bara

Leiðinglegt að Dan hafi aldrei komið til Dalvíkur. En flott að hann skyldi hafa valið þetta nafn. En hvað þá með upprunalegu fréttina var hún þá ekki rétt. Á maður ekki að geta treyst mbl.is. Nú er um að gera að bjóða bara Dan á Fiskidaginn. Ég googlaði gaurinn og heimasíða hans er http://www.milk.com/home/danfuzz/. Hann kallar sig Danfuzz og meilið er [e-mail]. Júlli, þú gengur bara í málið.

Eigum við að ræða þetta eitthvað

Ristarhlið eru málið. Hefur alltaf fundist skemmtilegt að keyra yfir ristarhlið kemur svona skemmtilegt hljóð. Hef spáð í það hvað gerist ef kindurnar reyna að ganga yfir. Geta þær það eða þora þær bara ekki. Getur einhver sagt mér það. Gott mál að landbúnaðarnefnd borgarfjarðar lætur þetta mál til sín taka. Það sýnir að það eru fleiri mál en geysir grín og rei sem þarf að ræða.

Vegagerðin vill fækka ristarhliðum

Há laun

Átakanlegt er að lesa um laun Johns Terrys. 18 milljónir á viku. Segi það og skrifa. Þetta er auðvitað móðgun við okkur hin. Þetta er móðgun við íþróttina. Ég er gráti næst. Held ég treysti mér ekki til að skrifa meira. Er farinn að æfa fótbolta.

Taylor ver laun John Terrys