Styrkur

Ég ásamt vini mínum Sverri Þorleifssyni sem skipum dúettinn Heims Skyr fengum úthlutað úr Menningarsjóði Sparisjóðs Svarfdæla í gærkveldi til að klára plötu sem við erum að gera. Þetta kemur sér mjög vel og hjálpar okkur mikið. Platan er í vinnslu og stefnt að hún komi út í júní. 21 verkefni fékk styrk úr sjóðnum sem veittur var í Dalvíkurkirkju. Glæsileg athöfn og svo í lokin skrifuðu Sparisjóðsstjóri og Bæjarstjóri undir samning þar sem Sparisjóðurinn gefur Dalvíkingum menningarhús. Karlakór Dalvíkur tók nokkur lög og í lokin var boðið upp á léttar veitingar. Við þökkum menningarsjóðnum kærlega fyrir okkur.

Athugasemdir

[Gulli (IP-tala skráð) 17.3.2007 kl. 15:53]

Þá veit maður í hvaða vitleysu sparisjóðurinn eyðir vaxtagreiðslunum mínum

 Til hamingju með þetta!

[Zilly Ratt, 19.3.2007 kl. 16:35]

Til hamingju með það, verður gaman að heyra afurðina þegar hún verður tilbúin.

[Þórey Dögg Jónsdóttir (IP-tala skráð) 21.3.2007 kl. 09:08]

Til hamingju með þetta, vissi ekki að þú værir að dunda í tónlist.  Kannski ekki skrítið að þú dundir við þetta, enda hefur þú núna tvö börn að syngja í svefn á kvöldin

Bið að heilsa Soffíu þinni og börnunum.