Einar Bárða brjálaður

Í síðustu færslu fjallaði ég um x faxtor og velti því fyrir mér hvort Ellý hafi sent Sigga heim því hann var í liði Einars og Einar var með alla sína keppendur en Palli búinn að missa tvo. Hún hafi gert þetta til að jafna leikinn. Var að lesa viðtal við Einar Bárða á visir.is þar sem kemur fram að hann er alls ekki hress með þetta. Þar setur hann fram svipaða kenningu og ég gerði og segir

Þetta voru einfaldlega samantekin ráð hjá þeim. Þau voru búin að ákveða að ef einhver úr mínum hópi myndi lenda í þessari ljónagryfju yrði sá og hinn sami sendur heim, sama hver það væri,"

Hann vill því meina að þetta séu samantekin ráð. Er þetta þá farið að líkjast Survivor þar sem menn taka sig saman. Ljótt er ef satt er og söngurinn skipti ekki máli. Í sama viðtali segir Einar líka um Sigga

 Þetta er bara fáranlegt. Að svona hæfileikar sem kannski koma fram á tíu eða tuttugu ára fresti, skuli vera úr leik er náttúrulega bara hneyksli

Honum er greinilega mikið niðri fyrir. Maður hélt alltaf fyrst að þetta væri bara í handritinu að þau ættu að vera svona ósammála og svo væru allir vinir eftir á, því maður veit að svona raunveruleikaþættir eru meira pródúseraðir en margir vilja halda. En maður er farinn að efast um að  það séu einhverjir kærleikar á mili dómaranna og held ég að Einar sé virkilega fúll út í Ellý eftir þennan þátt.

Athugasemdir

[Þórdís (IP-tala skráð) 19.2.2007 kl. 18:16]

Hvað ertu búinn að borða margar bollur? Ábyggilega fleiri en ég

[Sverrir Þorleifsson, 20.2.2007 kl. 15:00]

athugasemd - Pabbi hans Einar heitir ekki Bárði, heldur Bárður og maður segir því Einar BárðaR