Heimskyr komin í blöðin

Gleðilegt sumar. Vaknaði snemma í morgun og ætlaði bara að lesa fréttirnar á visi.is. Dauðbrá þá þegar ég sá kunnulega mynd á forsíðunni. Það var þá mynd af okkur Sverri í Heimskyr og heillangt viðtal við Sverri. Vissi reyndar að fréttablaðið hafði haft samband við hann en átti ekki von á þessu á forsíðu. Þetta var því óvænt og skemmtileg byrjun á sumrinu. Fréttina má sjá hér. Einnig kom frétt í fréttablaðinu og mynd af okkur. Vonandi verður þetta okkur til góðs. Kannski verðum við frægir.

Hey ertu komin

Var að setja nýtt lag með Heimskyr inn á myspace. Lagið heitir Hey ertu komin og er sungið af Eyþóri Inga Gunnlaugssyni. Þeir sem hafa heyrt þetta lag hafa verið að spá því miklum vinsældum. Síðan okkar er myspace.com/heimskyr

Snilld komin út

Stór dagur í dag, því plata okkar Heimskyr manna kom út í dag á tonlist.is. Þar er hægt að hlusta á búta eða kaupa lögin.  Þetta er stór dagur í sögu íslenskrar popptónlistar. Við erum búnir að vinna að þessari plötu í næstum 2 ár svo þetta er kærkomið. Minni á blogsíðuna okkar heimskyr.blog.is.

Til hamingju

Óska Eurobandinu til hamingju með nýja myndbandið og veit að þau eiga eftir að standa sig vel í Serbíu. Þetta eru okkar bestu söngvara og gaman að við Dalvíkingar eigum fulltrúa í Júróvision. Hef fylgst með Friðriki lengi og man þegar hann var að byrja sem söngvari á Dalvík. Veit að hann er ekki bara söngvari heldur afburða hljóðfæraleikari og lagasmiður. Ég hef reyndar sjálfur verið að dunda við að semja lög í gegnum tíðina og nú um daginn rættist gamall draumur að gefa út eigin disk með vini mínum Sverri Þorleifssyni. Við settum upp blogsíðu heimskyr.blog.is og myspace síðuna myspace.com/heimskyr þar sem við leyfum fólki að hlusta á nokkur lög.

„Fyndnasta og skemmtilegasta Eurovision myndbandið "

Heimskyr

Langt er síðan maður hefur bloggað. Það hefur svo sem ekki verið neitt tilefni þangað til núna. Dúettin Heimskyr sem ég og vinur minn Sverrir Þorleifsson myndum  höfum stofnað  blog  síðu á  moggablogginu.  heimskyr.blog.is Við vorum að gefa út diskinn Snilld og ætlum að nota internetið til að kynna hann. Endilega kíkið inn á síðuna okkar. Það er ekki komið mikið efni þar inn en það kemur smátt og smátt. Skora á ykkur svo að gerast bloggvinir Heimskyrs. Svo höfum við stofnað síðu á myspace sem heitir myspace.com/heimskyr 

10 lítrar

Hvílíkt umhverfisslys. Ég hélt fyrst að þetta hefði bara verið svona hálfur lítri sem sullaðist niður en svo les maður alla fréttina og kemmst að því að þetta voru heilir tíu lítrar. Segi og skrifa. Eins gott að slökkviliðið var fljótt á staðinn að redda þessu. Spurningin er hver á að borga þessa tíu lítra, fer þetta á reikning einkaþotunnar. Eru menn borgunarmenn fyrir þessu. Spyr sá sem ekki veit.

Eldsneytisleki á Reykjavíkurflugvelli

Villandi Fyrirsögn

Mér krossbrá, hvað á það að þýða að vera með svona fyrirsagnir. En þetta er kannski í tilefni þess að það er nú sprengidagur í dag, hver veit.

Leifsstöð sprungin

Logn

Hvaða vitleysa er þetta það er alltaf logn á Kjalarnesi. Það bara stundum flýtir sér mishratt. Kjalarnes er góður staður. Stutt á helstu staði. Stutt til Dalvíkur og stutt til Reykjavíkur. Þannig að þetta er mjög miðsvæðis. Það getur enginn neitað því. Sjálfur er ég að flytja á Kjalarnesið og ætla að njóta náttúrunnar þar. Og hvað er vindur annað en náttúrufyrirbæri. Gott er að láta goluna leika um vangann í hressandi göngutúr. Áfram Kjalarnes. Hvað heitir annars íþróttafélagið á Kjalarnesi? Og man einhver hver er borgarstjóri yfir okkur kjalnesingum, það er alltaf verið að skipta. Við erum víst nýlenda Reykjavíkur.

Varað við hvössum vindhviðum á Kjalarnesi

Hraun stígur á stokk

Íslenska hljómsveitin Hraun er komið í fimm hljómsveita úrslit í keppni breska ríkisútvarpsins BBC, The next big thing. Þúsundir hljómsveita sendu inn lög. Úrslitin fara fram á morgun milli kl. 3 og 6 og kemur þá í ljós hver vinnur þessa keppni. Heimasíða keppninnar er http://www.bbc.co.uk/worldservice/specials/129_nbt07_rules/page2.shtml

Ég óska Hrauni góð gengis. En eins og áður er komið fram er ég að vinna með bróður söngvarans og hef því fylgst vel með þessari hljómsveit í gegnum hann. Lagið sem þeir eru með í keppninni heitir Ástarsaga úr fjöllunum og má finna á myspace síðu þeirra http://www.myspace.com/hraunhraun.

Mæli með að menn hlusti á Ástarsaga úr fjöllunum þetta er snilldar lag. 

Eriksson bannar boxið

Ég smellti á þessa frétt því ég hélt að farsímaframleiðandin Eriksson hefði bannað eitthvað box, annað hvort símabox eða nestisbox. Svo var fréttin um allt annað. Sven Göran Eriksson bannar mönnum sem hann þjálfar að fylgjast með hnefaleikabardaga. Hehe svona getur maður miskilið fyrirsagnir.

Eriksson bannar líka boxið